Voss kommune, med om lag 14 000 innbyggjarar, er eit kommunikasjons- og skulesenter i indre Hordaland med eit aktivt kulturliv. Her er gode vilkår for sport og friluftsliv både sommar og vinter. Voss er eit knutepunkt langs stamvegen aust – vest. Reisetida til Bergen er ca. 1 time.

Voss er også eit handelssentrum for kommunar i nærleiken. I tillegg er det ulike industribedrifter, sjukehus og mange bedrifter innan reiseliv på Voss. Voss har også mange idrettsanlegg, blant anna 2 store alpinanlegg, idrettshall, kunstgrasbanar, golfbane og flyplass med luftsportsaktivitetar. Generelt er det eit rikt utval av tilbod og aktivitetar for folk i alle aldrar med ulike ønske om spennings- og aktivitetsnivå.

Leiar for servicetorget - 100% fast stillling

Servicetorget er ein del av rådmannen sin stab. Avdelinga består av 5 medarbeidarar som arbeider med kundemottak, informasjonsarbeid, sentralbordtenester og sakshandsaming innan ulike publikumsretta område. Til å leie servicetorget søkjer vi ein person som kan vera ein inspirator og pådrivar i arbeidet med å vidareutvikle eit kundemottak som vert opplevd som positivt og serviceinnstilt av brukarar av kommunen sine tenester.

Stillingsnummer: 11/928

Sentrale arbeidsoppgåver:

•Dagleg leiing av servicetorget, herunder budsjett-, resultat- og personalansvar for avdelinga.

•Generell sakshandsaming av både rutinemessig og oppdukkande karakter.

•Handsaming av låne- og tilskotsordningar i Husbanken.

Ynskte kvalifikasjonar:

•Relevant utdanning på høgskulenivå. Manglande formell utdanning kan kompenserast med relevant arbeidserfaring.

•Erfaring frå arbeid med kundekontakt og sakshandsaming.

Arbeidskvardagen som leiar i servicetorget krev at du kan arbeide sjølvstendig på tvers i organisasjonen og med eksterne samarbeidspartnarar. Du må vera løysningsorientert både i høve til kundar og komplisert saksbehandling. Me søkjer ein medarbeidar som har solid erfaring i bruk av administrative dataverkty. God munnleg og skriftleg framstillingsevne er nødvendig.

Me kan tilby:

•Utfordrande oppgåver i eit godt fagleg og sosialt miljø

•Løn etter avtale og kvalifikasjonar

•Gode pensjons- og forsikringsordningar

Nærare opplysningar ved stabssjef Trond Syversen, telefon 99207188.

Voss kommune ynskjer eit større aldersmangfald mellom dei tilsette, og oppmodar difor yngre arbeidstakarar om å søkje. Kommunen har eit personalpolitisk mål om at arbeidsstaden skal gje eit bilete av folkesetnaden generelt, både når det gjeld kjønn og kulturelt mangfald.

Me oppmodar søkjarar til å nytta elektronisk søknadsskjema. Kopi av vitnemål og attestar vert å senda Voss kommune, boks 145, 5701 VOSS, merka med stillingsnummer. Søknadspapira vert ikkje returnerte.

Søknadsfrist 4. februar.

Søknadsfrist:

02/04/2012

Nyttige linkar:

voss kommune

Send søknad til:

Voss Kommune
Boks 145
5700 Voss
Elektronisk søknadsskjema

Kontaktperson:

kontaktperson er nemd i annonsane