Voss kommune, med om lag 14 000 innbyggjarar, er eit kommunikasjons- og skulesenter i indre Hordaland med eit aktivt kulturliv. Her er gode vilkår for sport og friluftsliv både sommar og vinter. Voss er eit knutepunkt langs stamvegen aust – vest. Reisetida til Bergen er ca. 1 time.

Voss er også eit handelssentrum for kommunar i nærleiken. I tillegg er det ulike industribedrifter, sjukehus og mange bedrifter innan reiseliv på Voss. Voss har også mange idrettsanlegg, blant anna 2 store alpinanlegg, idrettshall, kunstgrasbanar, golfbane og flyplass med luftsportsaktivitetar. Generelt er det eit rikt utval av tilbod og aktivitetar for folk i alle aldrar med ulike ønske om spennings- og aktivitetsnivå.

Prosjektleiar - Voss bibliotek

Det er ledig ei 40% mellombels stilling som prosjektleiar ved Voss bibliotek. Prosjektet varer 8 månader, med snarleg oppstart.

Stillingsnummer 12/43

Biblioteket har fått utviklingsmidlar frå Nasjonalbiblioteket til prosjektet «Vidare enn Voss». Målet for prosjektet er å gjera biblioteket meir attraktivt og tilgjengeleg i samarbeid med brukargrupper og friviljuge lag, inspirere til lesing og skapa offentleg debatt. Prosjektleiaren skal kartleggja kva ressursar som finst i lokalmiljøet, utforma samarbeidsavtalar, laga malar for søknad om midlar og rutinar for arrangement. Det skal leggjast særleg vekt på integrering og inkludering.

Me søkjer ein person med høgare utdanning, gjerne frå kulturfeltet. Det vert lagt vekt på personlege eigenskapar. Tilsetjing på vanlege kommunale vilkår.

For nærmare opplysingar om stillinga kan du kontakta biblioteksjef Inger Karin Dyrnesli (telefon 56519477), e-post inger.k.dyrnesli@voss.kommune.no .

Me oppfordrar deg til å nytta elektronisk søknadsskjema. Kopi av attestar og vitnemål må sendast i posten. Alternativt kan søknad med vedlegg sendast til Voss kommune, Postboks 145, 5701 Voss.

Søknadsfrist 4. februar 2012.

Søknadsfrist:

02/04/2012

Nyttige linkar:

voss kommune

Send søknad til:

Voss Kommune
Boks 145
5700 Voss
Elektronisk søknadsskjema

Kontaktperson:

kontaktperson er nemd i annonsane